US President Barack Obama and also many moments during the meeting with President-elect Donald Trump when the many untold things were supposed to come to your style.

                                                     
                                                      اوباما، ٹرمپ ملاقات میں دونوں رہنما الجھن میں نظر آئے، امریکی ماہر کا تجزیہ

ڈونلڈ ٹرمپ اور باراک اوباما کی ملاقات کو ترجمان وائٹ ہاؤس نےبہت خوشگوار قراردیا ہے لیکن ملاقات کےموقع پرجاری کی جانے والی تصویریں کچھ اور ہی کہانی بیان کر رہی ہیں۔ فلوریڈایونیورسٹی کے باڈی لینگویج ایکسپرٹ پیٹی وڈ نے اوباما، ٹرمپ ملاقات کا پوسٹ مارٹم کرتے ہوئے دونوں رہنماؤں کے درمیان تناؤ کو واضح کیا ہے جب کہ کئی موقع ایسے
آئے جب دونوں رہنما ایک دوسرے کی طرف براہ راست دیکھنے سے گریز کرتے رہے۔

یٹی وڈ کے تجزیئے کے مطابق باراک اوباما میزبان ہونے کے ناطے کئی بار مسکرائے لیکن اپنی بیزاری چھپانے میں ناکام رہے۔ اوباما کی نسبت ٹرمپ الجھن کا شکار اور آزمائش میں گھرے نظر آئے۔ اوباما کے بیٹھنے کا انداز اور ہاتھوں کی پوزیشن اُن کے پراعتماد ہونے کا اشارہ تھی۔ اوباما وائٹ ہاؤس کے نئے مکین کوواضع پیغام دیتے نظر آئے کہ ابھی بھی امریکا کے صدر وہی ہیں۔ دوسری طرف ٹرمپ کے بیٹھنے کا اندازاورہاتھوں کی پوزیشن بتارہی تھی کہ انہیں خود کو پُرسکون رکھنے میں مشکل پیش آ رہی ہے۔ وائٹ ہاؤس کے بیان کے مطابق صدر اوباما نے ڈونلڈ ٹرمپ کو اقتدار کی پرامن منتقلی کا یقین دلایا ہے لیکن نومنتخب صدر ڈونلڈ ٹرمپ کی وائٹ ہاؤس آمد اور روانگی کی تصاویر جاری نہیں کی گئیں جو ایک غیرمعمولی بات ہے۔